Parlamenti i Greqisë ka miratuar legalizimin e martesës civile të personave të të njëjtës gjini pas një debati 36 orësh të ligjvënësve, në një moment kur opinioni publik është shfaqur i dyzuar.
Projektligji u miratua me mazhorancë me 176 vota pro, 76 kundër dhe 2 abstenuan.
Projektligji në fjalë përveç legalizimit të martesave, u jep të drejta të plota prindërore partnerëve të të njëjtit gjini ndaj fëmijëve të tyre. Greqia bëhet kështu vendi i parë ortodoks që lejon martesat e homoseksualëve.
Por ligji i ri përjashton çiftet homoseksuale të bëhen prindër përmes nënave surrogate.
Greqia ka aprovuar me ligj bashkëjetesën e personave të të njëjtit gjini prej vitit 2015, por jo të drejtën e martesës dhe atë të kujdestarisë ligjore si nga prindi biologjik ashtu edhe nga partneri.
Ndërkohë ky projektligj është kundërshtuar nga Kisha Greke, dhe ish-kryeministri Antonis Samaras, i cili reagoi ashpër, duke theksuar se martesa e çifteve të të njëjtës gjini nuk është një e drejtë njerëzore.
