100 mijë € gjobë kush flet gjuhën angleze është ligji më i ri në vendin fqinj Itali. Me sa duket dhe kuvendi i Shqipërisë tashmë e ka gati draftin për mbrojtjen e gjuhës mëmë në komunikime dhe dokumenta zyrtare .
Përdorimi i tepërt i fjalëve në gjuhë të huaja kryesisht në anglisht ka dëmtuar dhe humbur vlerat e gjuhës shqipe.
Mbrojtja e gjuhës amtare në komunikime dhe dokumente zyrtare nuk është një shqetësim vetëm i Shqipërisë. Së fundmi, qeveria italiane ka hartuar një projektligj ku kërkon gjobitjen e zyrtarëve me 100 mijë euro nëse përdorin anglishten apo gjuhë të tjera gjatë punës në institucione publike. Të njëjtin projektligj duket se e ka hartuar dhe qeveria e vendit tonë.
Huazimi i fjalëve të shkurtra kryesisht nga gjuhët angleze, italiane, turke e spanjolle ka bërë që brezat e rinj të harrojnë se si thuhen e shkruhen ato fjalë në gjuhën mëmë.
Nxënësit dhe studentët shpesh herë nuk flasin në gjuhën shqipe dhe si rrjedhojë e kësaj tjetërsohen edhe kuptimet e fjalëve, gjë që sjell shqetësim për të ardhmen e tyre.
Por si do të pritet ky ligj nga qytetarët?
A do të mbrohet dhe shkruhet pastër gjuha amtare?
Kjo mbetet për tu parë…
