Qyteti i Durrësit ka nisur zyrtarisht sezonin e kroçierave turistike edhe për këtë vit të ri.
Mëngjesin e kësaj të hëne është ankoruar në portin e Durrësit “La Belle De L’Adriatique”, e cila ka sjellë 134 turistë, kryesisht francezë.
“Bukuroshja e Adriatikut”, ka çelur siparin e sezonit turistik për kroçierat, të cilat sjellin turistë nga vende të ndryshme të botës.
Anija me gjatësi 111 m, e cila lundron nën flamurin belg u ankorua në kalatën 5 të portit.
Ndërkohë mësohet se ky udhëtimin nuk do të jetë i vetmi drejt Durrësit për këtë vit, pasi është planifikuar që gjatë sezonit turistik kjo anije turistike të vizitojë portin më të madh të vendit edhe 5 herë të tjera.
Këtë lajm e bëri të ditur dhe Kryeministri i vendit Edi Rama, i cili përmes një postimi në rrjetin e tij social Facebook ka publikuar disa foto të krocerës ku shkruan:
“Mbërrin në Durrës kroçiera e parë për këtë sezon
Bukuroshja e Adriatikut me 134 turistë, kryesisht francezë “
Kujtojmë se pas përfundimit vizitës së saj në Durrës, kroçera “La Belle de L’Adriatique” do të niset drejt Portit të Bar(Mal i Zi) për të vijuar agjendën e planifikuar.
