Trajneri i Juventus Massimiliano Allegri tashmë ndodhet në dilemë. Allegri mbylli sezonin e dytë radhazi pa asnjë trofe me ‘Zonjën e Vjetër’, e aludimet për një largim të tij nga skuadra janë shtuar më shumë ditët e fundit.
Mediat italiane bëjnë me dije se Allegri pas ndeshjes së fundit në kampionat ai do të takojë klubin për të diskutuar për të ardhmen.
Gjithsesi, klubi nuk është duke qëndruar duarkryq, pasi po mendon edhe për një zëvendësues të mundshëm.
Po sipas tyre është hedhur ideja që në stolin bardhezi të rikthehet Antonio Conte.
Por gjithsesi Conte nuk është i vetmi që përflitet, teksa janë përmendur dhe emrat e Igur Tudor e Vincenzo Italiano por ende nuk ka një konfirmim zyrtar nga ana e klubit i cili kohët e fundit është përballur me shumë probleme.
