Të gjithë jemi “sy e veshë” nga Sylvinho. Starti i Euro 2024 është shumë afër dhe tashmë me kuriozitet presim të mësojmë se cilët do të jenë të përzgjedhurit e brazilianit.
Jasir Asani me shumë gjasa do të jetë pjesë e listës. Madje veprimi i fundit i “mëngjarashit” ka “konfirmuar” në një farë mënyre pjesmarrjen e tij në Euro 2024.
Sulmuesi ka postuar një foto pak minuta më parë në ambientet e brendshme të një aeroporti, teksa shihet me një valixhe. Foton e ka shoqëruar me disa emoi, ku njëri prej tyre simbolizon luanin. Mos ndoshta pa dashje ka zbuluar kështu ftesën e Sylvinhons?
Siç dihet Asani është ‘idhulli’ i tifozëve shqiptarë dhe surpriza nuk pritet të ketë me të. Të gjithë shpresojnë se 29-vjeçari të “shpërthejë” sërish në Gjermani siç bëri në kualifikuese. Kujtojmë se Euro 2024 do të startojë më 14 qershor dhe finalja do të jetë më 14 korrik. Kombëtarja shqiptare ndodhet në grupin B së bashku me Italinë, Kroacinë dhe Spanjën.
