Ish-zyrtarja Alda Klosi pas arrestimit për deklarim të rremë në polici përfundoi në qeli, e ndërsa sot kërkon lirinë në Apel.
Burimet raportojnë se avokati mbrojtës Ilirjan Muho do të dorëzojë ankimimin e dënimit me pretendimin se ka 2 fëmijë të mitur si dhe kujdestarinë e nënës së verbër.
Klosi përfundoi në burg pas dëshmisë së pastrueses Rozeta Dobi për grabitjen e 120 mijë euro, ku të dyja po qëndrojnë aktualisht në paraburgim tek burgu i grave “325”.
Ish-zyrtarja Klosi ishte shtruar në spital në momentin kur është dhënë masa “arrest me burg” dhe pas mjekimeve të marra, është transferuar në qeli datë 9 shkurt.
Me urdhrin e datës 03.02.2023, është regjistruar në regjistrin e veprave penale, emri i shtetases Alda Klosi, e dyshuar për kryerjen e veprave penale “Refuzimi për deklarimin, mos deklarimin fshehjen ose deklarimi i rremë, i pasurive, interesave private të personave të zgjedhur e nëpunësve publikë ose i çdo personi tjetër që ka detyrimin ligjor për deklarim”, “Pastrim i produkteve të veprës penale ose veprimtarisë kriminale” dhe “Deklarata të rreme përpara oficerit të policisë gjyqësore” parashikuar nga nenet 257/a, 287 e 305/b i K. Penal.
Hetimet në lidhje me ketë rast janë komplekse dhe në vijim, duke garantuar se Prokuroria është maksimalisht e angazhuar dhe do të kryejë çdo veprim hetimor me qëllim zbardhjen e plotë të kësaj veprimtarie kriminale, dhe vënien përpara përgjegjësisë te çdo personi të përfshirë në të.
