Pas shkatërrimit të balonës spiune në qiellin e Amerikës, një tjetër objekt fluturues është parë në Kolumbi.
Incidentet me balonën kineze janë kthyer në një shqetësim madhor, jo vetëm pas shfaqjes për herë të parë për këtë vit në Amerikë, rasti është përsëritur duke evidentuar të tjera objekte dyshuese.
Ministria e Punëve të Jashtme konfirmoi një balonë fluturuese në Kolumbi, në përgjigje të kësaj zyrtarët shprehen se balona ka hyrë “pa dashje” në Kolumbi, në vijë ajrore të vendeve të Amerikës Latine. Objekte të ngjashme janë parë dy herë në Japoninë veriore dhe Kanada.
A është kjo hera e parë që një objekt fluturues kinez shfaqet mbi SHBA?
Referuar një raporti të televizionit ZDF, në kohën e qeverisjes Trump janë parë 3 balona të tilla në qiellin e SHBA, e ndërsa Pentagoni thekson se në vendet e Shteteve të Bashkuara të Amerikës janë parë të shpeshta objektet fluturuese dukë hyrë në vend pa asnjë pengesë, por balona e fundit fluturoi mbi tokë në territorin amerikan më gjatë se zakonisht.
Cili ishte ragimi i Kinës kur SHBA shaktërroi balonën?
Pekini zyrtar pati një reagim të ashpër nga veprimeve të SHBA pas rrëzimit të balonës, duke ndikuar dhe në marrëdhëniet mes dy vendeve.
Akti “minoi seriozisht përpjekjet e të dyja palëve për të stabilizuar marrëdhëniet Kinë-SHBA”, tha në një deklarate zyrtare zëvendësministri i Jashtëm kinez Xie Feng.
Pekini në një deklaratë i ka bërë më dije SHBA se balona është vetëm një “avion civil” që ka hyrë pa dashje në hapësirën ajrore të Amerikës si pasojë e ‘forcës madhore’
Cila ishte arsyeja e lëshimit të balonës?
Amerika flet me bindje se balona kineze kishte hyrë në zonën e SHBA kundër zbulimit të objekteve ushtarake amerikane. Kjo për arse se objekti gjendej pikërisht pranë zonës ushtarake, në Montana, ku mbahen dhe raketat bërthamore ndërkontinentale.
Sekretari i përgjithshëm i shtetit, Antony Blinken e konsideroi veprimin e kinës me futjen e balonës në territorin amerikan si veprim të pa pranueshëm dhe pa përgjegjshmëri.
Joe Biden urdhëroi avionët luftarakë amerikanë rrëzimin e një balonë mbi brigjet e Karolinës së Jugut të shtunën e kaluar (4 shkurt 2023). Ndërkohë, zhytësit po kërkojnë mbeturinat e saj, për të rindërtuar pajisjet teknike të balonës dhe për të saktësuar se për çfarë balone ishte fjala. Më 15 shkurt, në një seancë të fshehtë, Senati do të njoftohet me rezultatet e hetimit.
A janë balonat e tilla të përshtatshme për spiunim?
Po. Ato konsiderohen si një instrument zbulimi i lirë dhe praktik. Ato mund të vëzhgojnë zona të mëdha në distanca më të shkurtra dhe me imazhe me rezolucion më të lartë sesa satelitët. Balonat e pajisura me radarë dhe kamera janë përdorur tashmë për spiunazh nga SHBA dhe ish-Bashkimi Sovjetik gjatë Luftës së Ftohtë.
Reagimet ndërkombëtare ndaj këtij incidenti?
Gjermania është e shqetësuar për tensionet në rritje midis Pekinit dhe Uashingtonit. Politikani i SPD-së, Michael Roth, beson se afera është një lloj “paragjellë e konfliktit midis Kinës dhe SHBA-së që mund të përshkallëzojë në vitet e ardhshme”.
Estonia, Kanadaja dhe Koreja e Jugut morën një pozicion shumë më të fortë për çështjen e “balonës” dhe mbajtën një qëndrim më të fortë. Ministri i Jashtëm estonez Urmas Reinsalu shkroi në Twitter se ai mbështet “mbrojtjen e sovranitetit të SHBA”. Kolegët e tij Justin Trudeau dhe Park Jin bënë deklarata të ngjashme.
Bashkimi Evropian ishte i përmbajtur. Siguria dhe mbrojtja e hapësirës ajrore janë çështje të sigurisë kombëtare dhe janë përgjegjësi e vendeve të prekura, thuhet në një deklaratë të bërë publikë të dielën e kaluar.
