Pas 90 minutash spektakël, emocionesh dhe 6 golash, nga 3 për secilën skuadër, Real Madrid dhe Siti do të luajnë kualifikimin në gjysmëfinale të mërkurën e ardhshme. Në “Bernabeu” u mbyll 3-3, por ishte një ndeshje himn për futbollin e bukur, me ritëm të lartë dhe me pak pauza.
Barazimi është rezultati më i drejtë, sepse asnjë skuadër nuk meritonte ta humbiste këtë ndeshje. Ançeloti, në ndeshjen e 200-të në Champions, mund të ketë peng gabimin e Lunin në golin e parë të pësuar. Guardiola dhe skuadra e tij do të luajnë me kurajë në ndeshjen e kthimit.
Ndeshja nisi në mënyrën më skpektakolare në Madrid, ku Bernardo Silva gjeti golin me një goditje dënimi inteligjente pas 2 minutash. Reali reagoi menjëherë dhe përmbysi në 2-1 me Kamavingën, i ndihmuar edhe nga devijimi i Diaz, dhe Rodrigon me një kundërsulm vrastar.
Një tjetër përmbysje në pjesën e dytë, këtë herë nga Siti që shënoi dy herë me Foden dhe mbrojtësin Gvardiol. Por Reali nuk ‘vdes’ kurrë, sidomos në Champions. Skuadra e Ançelotit barazoi me Valverden.
Përfundoi në barazim edhe sfida tjetër me Arsenalit dhe Bajernit të Mynihut, me rezultatin 2-2. Anglezët shënuan me Saka, më pas gfjermanët realizuan dy herë me Gnabrin dhe Kejn me penallti. Në pjesën e dytë Arsenali barazoi me Trosard. Koman ishte pa fat, teksa u ndal nga shtylla.
