Ka rënë në prangat e policisë 42-vjeçari Lulëzim Nanaj nga Tepelena, i cili ditën e djeshme plagosi me thikën bashkëshorten e tij dhe më pas qëlloi edhe veten e tij.
Ngjarja ka ndodhur në banesën e çiftit, pas një konflikti të çastit. Të dy këta persona ndodhen në spital, nën kujdesin e mjekëve.
Njoftimi i policisë:
Tepelenë
Goditi bashkëshorten, me mjet prerës (thikë), dhe më pas dëmtoi veten, vihet në pranga 42-vjeçari.
Specialistët e Seksionit për Hetimin e Krimeve të Komisariatit të Policisë Tepelenë arrestojnë në flagrancë shtetasin LN, 42 vjeç, banues në Tepelenë.
Arrestimi i agresorit u bë pasiditen e djeshme, dyshohet se pas një konflikti të çastit në banesë, në lagjen “Selam Musai”, Tepelenë, ka goditur me mjetin prerës (thikë) shtetasen FN, 40 vjeç dhe më pas ka goditur dhe veten. Të dy këta persona ndodhen në spital, nën kujdesin e mjekëve.
Materialet në ngarkim të shtetasve L kaluan Prokurorisë së afërt të Shkallës së Gjirokastrës, për akuzat e mëtejshme.