Arrestimi i kryebashkiakut të Himarës Fredi Beleri bëri jehonë edhe në shtetin fqinj Greqi.
Në një vizitë zyrtare në Shqipëri, Ministri i Jashtëm grek Nikos Dendias përsëriti thirrjen drejtuar autoriteteve shqiptare që të lehet i lirë tashmë kryebashkiaku i Himarës Fredi Beleri.
Dendias u shpreh se nuk e kupton se përse kryebashkiaku që pritet të Helenizojë Himarën të ndodhet në paraburgim, Ai gjithashtu ka shprehur se kjo situatë mund të ndikojë në marrëdhëniet mes Shqipërisë dhe Greqisë, duke e kthyer Belerin në një mollë sherri mes dy vendeve fqinje.
“Nuk po ushtrojmë presion dhe as po bërtasim, ne duam miqësi por jo me çdo çmim”- u shpreh Dendias. Ministri theksoi se të hënën do të shkojë në Bruksel, për të marrë pjesë në Këshillin e Ministrave të Jashtëm të BE-së, si dhe do të ngrejë çështjen e arrestimit të Belerit.
“Mendoj se çështja është jashtëzakonisht shumC e rëndë, ndaj të hënën në mëngjes do të jem në Bruksel. Nuk është e zakonshme ndalimi i një kandidati për kryetar bashkie 48 orë para zgjedhjeve dhe mbajtja në paraburgim.
Cili është ky element i rrezikshmërisë së tij që kërkon ndalim të zgjatur? Këto janë pyetje që duan përgjigje patjetër”,- përfundoi Dendias.
