Detaje të tjera kanë dalë në lidhje me atentatin e ndodhur dje në Shkodër, ku të plagosur mbetën Gjergj Ndershtiqaj 28 vjeç dhe kunati i tij, Gjin Nika, 30 vjeç. Në dëshminë e tyre, dy të plagosurit janë shprehur se nuk kanë konflikte me askënd dhe nuk dinë arsyet se pse u qëlluan me armë.
“Sapo zbritëm nga makina dëgjuam të shtëna armësh. Nuk kemi arritur që të shohim se kush ishin ata që na qëlluan me armë. Nuk kemi konflikte me persona të tjerë dhe nuk e dimë arsyen përse na qëlluan. Në momentin kur nisën të shtënat kemi lëvizur me shpejtësi duke u munduar të shpëtojmë. Derisa janë larguar qëndruam pas makinës. Dëshmia e të plagosurve pas marrjes ne pyetje te të plagosurve”, kanë deklaruar ata.
Mësohet se deri më tani policia ka shoqëruar 20 persona të dyshuar se mund të kenë dijeni mbi ngjarjen ndërsa në vendngjarjen janë sekuestruar 80 gëzhoja automatiku, të cilët janë përdorur nga autorët. Sipas dëshmive mësohet se kanë qenë 4 autorë. Po ashtu autorët dyshohet se kanë qenë të maskuar ndërsa nga kamerat nuk është arritur të bëhet identifikimi
