Është finalizuar me martesë historia e dashurisë së moderatores Kiara Tito me këngëtarin Luiz Ejlli.
Ata i thanë po njëri tjetrit në taracën e Bashkisë së Tiranës, ku kryetari i Bashkisë Erion Veliaj kurorëzoi lidhjen e tyre.
Çifti është njohur brenda shtëpisë së Reality Show-t Big Brother Vip Albania, në edicionin e tij të dytë.
37-vjeçari i shprehu ndjenjat e tij moderatores që në javën e tretë të qëndrimit në shtëpi.
Mes sprovave të lojës e stuhive të fatit, dukej se çdo dallgë i përplaste në krahët e njëri tjetrit.
Ndonëse dukej sikur skishte asnjë shpresë, destini i tërhoqi si magnet duke kurorëzuar historinë e tyre në martesë.
“Përveç çmimit të madh unë fitova dhe njeriun që dua të kaloj jetën, e që do jetë nëna e fëmijëve të mi”, ka thënë ndër të tjera Ejlli.
