Andrew Tate është paraqitur në zyrën e prokurorisë për të dytën ditë, ndërsa kërkimet për një telefon celular dhe laptop të konfiskuar vazhdojnë.
Influencuesi 36-vjeçar ka qenë i përfshirë në trafikun e qenieve njerëzore dhe dyshohet se është pjesë e një bande të organizuar kriminale.
Vëllai i Tate, Tristian së bashku me dy gra Rumune janë arrestuar gjithashtu në të njëjtin rast.
Ndërsa vëllezërit mbërritën të prangosur së bashku në zyrën e Bukureshtit të Drejtorisë së Përgjithshme të Rumanisë për Hetimin e Krimit të Organizuar dhe Terrorizmit (Dicott) të enjten në mëngjes, Tristan Tate u tha gazetarëve: “Çfarë provash ka? Asgjë”.
“Kjo duhet të jetë historia. Ju lutem mbulojeni atë histori. Policia ka falsifikuar provat. Nuk ka prova. Nuk ka viktimë.”
“Nuk ka asnjë fakt në dosjen time, sepse nuk kam bërë asgjë të gabuar” i është shprehur Tate gazetarëve teksa dilte nga zyrat.
Zëdhënësja e Diicot Ramona Bolla u shpreh se duhet kohë për të hetuar “pajisjet e shumta të sekuestruara”. Autoritetet rumune konfiskuan gjithashtu pasuri me vlerë më shumë se 3 milion paund, duke përfshirë një Rolls-Royce blu, një Ferrari dhe një Porsche.
Vëllezërit do të qëndrojnë në paraburgim deri në fund të shkurtit pasi një gjykatës pranoi një kërkesë të dytë për një zgjatje 30-ditore të paraburgimit të premten.
Ish-kikboksier profesionist dhe shtetas britaniko-amerikan me afro 5 milionë ndjekës në Twitter, thuhet se jeton në Rumani që nga viti 2017.
Ai më parë ishte ndaluar nga disa platforma të mediave sociale për shprehje të pikëpamjeve anti-feministe dhe gjuhës së urrejtjes. Por numri i followersave të tij rritur me të paktën disa qindra mijëra në Twitter që nga arrestimi i tij në fund të dhjetorit.
