Zyrtarët amerikanë kanë pranuar një kërkesë nga rregullatorët për të bllokuar përkohësisht marrëveshjen e Microsoft për ta blerë Activison Blizzard prej 69 miliardë dollarësh.
Gjykata thotë se urdhri i përkohshëm i ndalimit “është i nevojshëm për të ruajtur status quo-në derisa ankesa është në pritje”.
Komisioni Federal i Tregtisë i SHBA-së thotë se marrëveshja mund të “ulë ndjeshëm konkurrencën” në këtë sektor.
Një seancë dëgjimore dy-ditore pritet të zhvillohet nga 22 qershori në San Francisko.
Marrëveshja për blerjen e prodhuesit të Call of Duty do të ishte më e madhja në historinë e industrisë së video-lojërave.
Komisioni Federal i Tregtisë tha se pa një urdhër gjykate marrëveshja mund të ishte përfunduar në fund të kësaj jave, pavarësisht se Mbretëria e Bashkuar bllokoi blerjen në muajin prill.
Microsoft dhe Activision tani kanë kohë deri më 16 qershor për të paraqitur argumente ligjore për të kundërshtuar një urdhër paraprak,si dhe Komsioni Federal, i cila zbaton ligjin e konkurrencës në SHBA, do të duhet të përgjigjet më 20 qershor.
