Mëngjesi i ditës së enjte ka nisur me një aksident tek ura e “Vasil Shantos”, ku janë përplasur një patrullë policie në drejtimin e automjetit nga inspektori B. M., 31 vjeç dhe shoferi makinës “BMW”, shtetasi N. B., 36 vjeç.
Mësohet se janë dëmtuar dy polic të patrullës, shoferi dhe një pasagjer i mjetit tjetër, jashtë rrezikut për jetën, të cilët janë dërguar në spitalin e Traumës ku po marrin mjekimin e nevojshëm. Raportohet se gjendja e tyre është stabël dhe jashtë rrezikut për jetën.
Rrugorja i ka kaluar të dy drejtuesit në sitën e testit të alkoolit, ku kanë rezultuar se nuk kishin konsumuar pije alkoolike.
Grupi hetimor ndodhet në vendngjarje dhe nën drejtimin e Prokurorisë vijon punën për zbardhjen e rrethanave dhe shkakut të aksidentit.
NJOFTIMI:
Tiranë/Informacion paraprak
Rreth orës 05:15, te ura e “Vasil Shantos”, janë përplasur dy automjete, konkretisht automjeti tip “Skoda” i Patrullës së Përgjithshme të Komisariatit të Policisë Nr. 2 me drejtues Inspektor B. M., 31 vjeç, dhe automjeti tip “BMW” me drejtues shtetasin N. B., 36 vjeç.
Si pasojë e përplasjes janë dëmtuar dy drejtuesit e automjeteve, si dhe pasagjerët, shtetasi G. N., 38 vjeç, që ndodhej në automjetin tip “BMË” dhe punonjësi i Patrullës së Përgjithshme Inspektor J. B., 22 vjeç, që ndodhej në automjetin tip “Skoda”.
Të dëmtuarit ndodhen në spitalin e Traumës, nën kujdesin e mjekëve, jashtë rrezikut për jetën.
Të dy drejtuesve të mjeteve, iu është bërë testi i alkoolit, dhe ka rezultuar që asnjëri prej tyre, nuk kishte konsumuar pije alkoolike. Grupi hetimor ndodhet në vendngjarje dhe nën drejtimin e Prokurorisë vijon punën për zbardhjen e rrethanave dhe shkakut të aksidentit
