Ndeshja e parë gjysmëfinale në Kupën e Italisë mes Juventusit dhe Interit duket se ka përfunduar me pamje aspak të këndshme, pasi lojtarët nga të dy palët u përleshën në fushë dhe madje edhe në tunel.
Romelu Lukaku e shpëtoi Interin duke shënuar nga penalltia në kohën shtesë për 1:1, pasi Juan Cuadrado e kishte kaluar Juven në epërsi paraprakisht në Allianz Stadium.
Sulmuesi zikaltërve ishte cak i fyerjeve raciste nga tifozët vendas dhe vendosi ta festojë golin duke e vendosur gishtin tregues në buzë, më sa duket për t’i heshtur ata.
Cuadrado e nisi një përleshje duke e sulmuar së pari Lukakun pas për mënyrën se si ai e festoi golin dhe për ta vazhduar atë me Handanoviqin pas fishkëllimës së fundit të gjyqtarit.
Në pamjet e publikuara në rrjetet sociale Cuadrado shihet duke e goditur me grusht portierin e zikaltërve.
Ecco il gancio di Cuadrado ad Handanovic.
— Tancredi Palmeri (@tancredipalmeri) April 4, 2023
Va proprio a segno.
Questo è un gesto da 5 giornate di squalifica.
Se non ricordo male in caso di comportamento violento grave in Coppa Italia le squalifiche sono state estese in campionato#JuveInter pic.twitter.com/kY1cMP2s7I
