Për Simone Inzaghi-n tre ndeshjet e radhës janë përcaktuese për të ardhmen e tij në krye të skuadrës së Interit. Pas humbjes së rëndë kundër Fiorentinës, Inter udhëton të martën në “Stadium” për ndeshjen e parë kundër Juves, e vlefshme për gjysmëfinalen e Kupës së Italisë. Pas Juves, zikaltërit luajnë kundër Salernitanas në Serie A dhe më pas kundër Benfikës në Champions.
Kurrë më parë këtë sezon, ky objektiv fiks nuk ka qenë kaq në rrezik për zikaltrit. Sipas mediave vendase, këto tre sfida pritet të vendosin edhe të ardhmen e Inzaghi-t në krye të Interit. Presioni rreth trajnerit sa vjen e shtohet, pavarësisht se publikisht drejtuesit e klubit nuk i kanë dalë kundër, nuk kanë reaguar.
Conte
Fakt është që stoli i Inzaghi-t ka nisur të dridhet fuqishëm ndërsa si hije mbi të qëndron Antonio Conte. I papunë që pas largimit nga Tottenham, Conte mbetet një pistë konkrete, një emër që Marotta dhe presidenti Zhang do e rikthimin me kënaqësi në Milano. Jo vetëm Conte, në Angli shkruajnë se drejtuesit e Interit kanë zhvilluar dhe një takim sekret me Pochettino-n, ndërsa një opsion është edhe Thiago Motta.
