Përditësimi softuerik iOS 16.4 tashmë do të jetë në aparatin tuaj telefonik dhe përfshin një sërë veçorish të reja për përdoruesit e iPhone.
Me këtë përditësim të ri do të ketë 21 emoji të reja, aplikacione më të fuqishme në ëeb, rregullime të defekteve dhe shumë detaje që do ti zbuloni vetë duke eksploruar iphone-n tuaj.
Si ta instaloni iOS 16.4
Përditësimet iOS 16.4 dhe iPadOS 16.4 janë të disponueshme për të gjitha modelet e iPhone dhe iPad. Për ta përditësuar telefonin tuaj duhet të shkoni në aplikacionin e Settings, pastaj General dhe pastaj duhet të klikoni në Përditësimin Softuerik.
Pasi të filloni procesin e instalimit, iPhone-i ose iPad-i juaj do të shkarkojë përditësimin dhe më pas do t’ju kërkojë të rindizni pajisjen tuaj për të përfunduar procesin.
Çfarë ka të re në iOS 16.4?
Me përditësimin e ri do të keni 21 emoji të reja, do të merrni veçorinë e Izolimit të Zërit për thirrje celulare ku zëri juaj do të ketë përparësi dhe bllokon zhurmën e ambientit përreth jush, optimizimet e Crash Detection në modelet iPhone 14 dhe iPhone 14 Pro, njoftimet për aplikacionet e uebit, të shtuara në Home Screen, mbështetje VoiceOver për hartat në aplikacionin e Motit etj.
