E shtuna në mbrëmje na mblodhi të gjithë pas ekranit për të ndjekur Big Brother Vip Albania edicioni i dytë.
Të shumta ishin diskutimet për çiftin Luiz dhe Kiara, si dhe darka në suitë që kaluan moderatorja me aktoren Olta Gixhari. Një miqësi e të dyja vajzave që u ftoh me afrimin e Kiarës ndaj Luizit. Ky I fundit u ndje xheloz se përse partnerja e tij e kaloi mbrëmjen me kundërshtaren dhe jo me të.
Për Fotininë ishte një mbrëmje e veçantë ku Vëllai i Madh i solli gjyshin e saj për ta takuar.
Por qetësi nuk pati as për trekëndëshin Kristi-Keisi-Lorenc, ku ky i fundit dha deklaratën se mes tij dhe Keisit ka patur më shumë se sa shoqëri e se me sa dukej ai pëlqim ende nuk ishte zbehur nga të dy. Kristi zgjodhi të mos reagonte pasi u shpreh se:
Kristi: Unë kam respekt për Keisin dhe ka të drejtën të shkojë pas marrëdhënieve që do. Kemi mbyllur ça kishim. Lorenci më duket garip dhe i lezetshëm. Nuk kam asnjë hatërmbetje. Kemi mbyllur çdo gjë me dinjitet.
Keisi: Unë nuk e dija që Lorenci ka folur për atë që kemi pasur. Pyetja ime është Lorenci pse ka folur.
Lorenc: Unë e Keisi e dimë se cila ka qenë arsyeja. Keisi më jep ngrohtësinë e shoqërisë.
Gjithashtu për Jorin ishte mbrëmje emocionuese pasi ndonëse ka pak kohë qëndrimi në shtëpi, surprizë për të mbrëm ishte ardhja e nënës së saj në dhomën e surprizave.
Mbrëmja u mbyll me eleminimin e moderatores Kiara Tito e cila nuk kishte biletë kthimi.
