Futbollisti 24-vjeçar Kylian Mbappe është bërë kapiteni i tretë më i ri i Francës në histori, vendim të cilin e mori trajneri i “Gjelave”, Didier Deschamps dhe të cilin e zyrtarizoi federata pak çaste më parë.
Kapiteni Hugo Lloris njoftoi pas përfundimit të Kupës së Botës se nuk do të vishte më fanellën e Francës dhe roli i liderit të Tringjyrëve duhej t’i kalonte zëvendësit të tij, Raphael Varane, por ai gjithashtu shpejt vendosi që të mos luante më për francezët dhe trajneri Didier Deschamps duhej të gjente një lider të ri
E përditshmja franceze “L’Equipe”, raporton se Deschamps ishte në mëdyshje mes Antoine Griezmann dhe Kylian Mbappe dhe mbrëmë ai u tha lojtarëve se kishte vendosur për yllin e PSG.
“L’Equipe” gjithashtu shkruan se ylli i Atletico Madrid nuk e mori shumë mirë vendimin për të qenë zëvendës kapiten.
Antoine Griezmann është i zhgënjyer dhe i zemëruar për vendimin, sepse beson se duhet të kishte marrë shiritin e kapitenit për shkak të vjetërsisë në kombëtare, por edhe sepse ishte kapiten një herë kur luante në titullar me Mbappe. Kjo ishte në shtator të vitit të kaluar në ndeshjen e Ligës së Kombeve kundër Danimarkës.
Kapiteni më i ri i Francës në histori është Lloris i cili u bë kapiten në vitin 2010 në moshën 24-vjeçare dhe Mbappe do të dalë në fushë me shiritin e kapitenit rreth krahut në moshën 24 vjeçare, 3 muaj e 5 ditë.
Së bashku me Llorisin, kapiteni më i ri se Mbappe ishte legjendari Michel Platini, i cili drejtoi trengjyrëshit me një shirit rreth krahut në moshën 24 vjeçare, 2 muaj e 16 ditë.
