Mëngjesin e ditës së sotme janë përplasur dy automjete në qytetin e Krujës, duke lënë të plagosur tre persona.
Aksidenti ka ndodhur rreth orës 07:35, në aksin “Krujë- Fushë Krujë”, ku automjeti me drejtues shtetasin D. Xh., 45 vjeç, ka përplasur automjetin me drejtues shtetasin D. H., 23 vjeç.
Të dëmtuar janë shtetasit D. H., si dhe pasagjerët në automjetin që drejtonte 45-vjeçari, shtetasi H. Z., 26 vjeç dhe shtetasja P. Xh., 15 vjeçe. Të aksidentuarit po marrin ndihmë mjekësore dhe aktualisht janë jashtë rrezikut për jetën.
