Numri i viktimave nga përplasja e dy trenave në Larisa të Greqisë është rritur duke shkuar në 47 dhe mbi 80 të plagosur. Vijojnë kërkimet e forcave të shpëtimit në vagonit e trenit për gjetjen dhe nxjerrjen e personave.
Deri tani Ambasada shqiptare në Greqi, raporton se dy persona, Roberto Dristi dhe Anisa Liuri janë lënduar dhe po marrin trajtimin mjekësor në spital.
Në Greqi ka shpërthyer agresioni ndaj qeverisë si dhe protestat masive nga qytetarë të shumtë. Kujtojmë se si pasojë e kësaj ngjarje, ministri i Infrastrukturës dhe Transportit, Kostas Karamanlis dha dorëheqje, sipas tij e ndjente detyrim dorëheqjen përballë tragjedisë së ndodhur.
Deri tani janë nxjerr të vdekur viktima të moshave të reja studentë të cilët po ktheheshin në vendlindje për të festuar pranë familjeve të tyre një festë tradicionale. “Po nxjerrim persona nën vagonë të shtypur nga treni”- mësohet të ketë thënë një nga përfaqësuesit e autoriteteve të kërkim-shpëtimit.
