Mes shumë tipeve të njerëzve, sigurisht janë edhe ata që nuk janë dhe nuk do të jenë asnjëherë të kënaqur me asgjë, vështirë se ndihen të ngopur dhe optimistë dhe me shumë gjasa do të arrijnë të bëjnë “të mjerë” edhe ditën e të tjerëve, me gjithë ankesat e tyre. Ata thjesht nuk mund të përqendrohen në gjerat pozitive, por tek gjërat që duhen ndryshuar, që duhet të përmirësohen ose që duhet të jenë në mënyrën që duan ata.
Energjia e tyre negative në fakt mund të rezultojë fatale për marrëdhëniet e tyre dhe kur ta kuptojnë do të jetë tepër vonë. A keni në mendje një lloj personi të tillë dhe pse është pikërisht një Virgjëreshë, Akrep apo Bricjap?
Virgjëresha
Kur është një shenjë që kërkon vazhdimisht përsosmërinë dhe rregullin, si mund të mos ketë ankesa? Për një Virgjëreshë, gjithçka duhet të jetë perfekte: shtëpia, puna, psikologjia e tyre, ata që i rrethojnë, pra të gjitha. Shpesh është shumë i rreptë si me veten ashtu edhe me njerëzit me të cilët është afër, diçka që e shtyn atë të kritikojë dhe të ankohet gjithë kohën.
Akrepi
Akrepat nuk ndalojnë kurrë së kontrolluari botën përreth tyre dhe për shkak se shqisat e tyre janë gjithmonë vigjilente është e vështirë për ta të pushojnë ose të duken miqësorë. Kjo shenjë mbështetet në instinktet e saj dhe shpesh është e kujdesshme, sidomos nëse diçka nuk shkon ose ju e lëndoni atë, toksiciteti dhe energjia negative që ai mund t’ju japë, mund t’ju lëndojë.
Bricjapi
Bricjapi drejtohet nga Saturni dhe kjo shpesh e bën gjykimin e tij të ashpër dhe fjalët e tij të ashpra. Kjo ndodh sigurisht sepse ai dëshiron t’i shohë gjërat sa më realiste. Mirëpo, mënyra se si ai e shpreh mendimin e tij është e tillë që i bën të tjerët ta “bllokojnë”, duke i bërë të mos ndihen rehat në praninë e tij. Në vend të kësaj, ata ndihen nën presion dhe marrin përsipër gjithë këtë negativitet.
