Monica Bellucci duket se ka gjetur dashurinë në krahët e Tim Burton.
Një publikim ekskluziv i revistës Paris Match, i cili ka postuar një foto të aktores me regjisorin, zbulon romancën e tyre.
Në foto, ata mund të shihen duke ecur me shpejtësi nëpër rrugët e Parisit.
Botimi francez flet për “dashuri me shikim të parë”. Edhe pse të dy ishin takuar për herë të parë në Kanë në vitin 2006, fati i bashkoi tani.
Sipas raportit, të dy u afruan më shumë në Festivalin e Filmit Lumiere në Lyon, ku aktorja mahnitëse i dha çmimin Tim Burton.
Gjithashtu raportohet se ata kanë qenë bashkë për katër muajt e fundit.
Detaje të tjera rreth romancës ende nuk janë zbuluar, jemi në pritje të botimit të revistës për të zbuluar se çfarë po ndodh mes tyre.
Vitet e fundit, ata të dy kanë qenë beqarë, Monica Bellucci u divorcua nga artisti Nicolas Lefebvre në 2019 dhe Tim Burton u divorcua nga Helena Bonham Carter në 2014.
Edhe pse pas divorcit ata kanë pasur lidhje të tjera që nuk kanë zgjatur.
Ata janë të dy prindër. Monica Bellucci ka një vajzë nga martesa me Vincent Cassel dhe Tim Burton ka dy djem me Helena Bonham Carter.
