Dhe pse mjekësia ka evoluar në ndihmesë të teknologjisë duke sjellë lehtësim në punën e bluave të bardha, përsëri humbjet e jetëve nga komplikimet kirurgjikale vijojnë të mbeten një problem.
SIpas Organizatës së Kombeve të Bashkuara, raportohet se në çdo dy minuta në botë ndëron jetë një grua gjatë vështirësive që hasen në shtatëzani, ndonëse numri ka rënë në 1/3 në 30 vite.
Siç theksohet në një raport të OKB-së të përpiluar nga OBSH, shkalla globale e vdekshmërisë së nënave u ul me 34.3% nga viti 2000 në 2020.
Bjellorusia kryeson rënien më të madhe, ndërsa krejt e kundërta ka ndodhur në Venezuelë duke shënuar rritjen më të madhe, e ndjekur nga Qiproja, Greqia dhe SHBA. Në nivel global, 287,000 gra vdiqën gjatë shtatzënisë ose lindjes në vitin 2020, me fjalë të tjera, një vdekje çdo dy minuta nga 446,000 në 2000.
“Shtatzënia mbetet një përvojë jashtëzakonisht e rrezikshme për miliona gra në mbarë botën që nuk kanë akses në shërbime shëndetësore me cilësi të lartë”, tha Tedros Adhanom Ghebreyesus, drejtori i përgjithshëm i OBSH-së, sipas njoftimit për shtyp të lëshuar nga zyrat e tij në Gjenevë.
Këto statistika të reja zbulojnë nevojën urgjente për të siguruar që çdo grua dhe vajzë të kenë akses në shërbimet shëndetësore kritike para, gjatë dhe pas lindjes.
Numri i vdekjeve u rrit në pothuajse të gjitha rajonet e botës vitet e fundit, me përjashtim të Australisë dhe Zelandës së Re (–35%) dhe Azisë qendrore dhe jugore (–16%).
