Një ngjarje e rëndë ka ndodhur në Mitrovicë, ku është rrahur një fëmijë keq në çerdhe nga edukatorja e tij.
Lajmi është konfirmuar nga drejtuesja e institucionit, Agnesa Shipoli Nika, ku thotë se ngjarja ka ndodhur në fillim jave në çerdhen “Nina”.
Ajo thotë nëpërmjet një njoftimi në faqen zyrtare të institucionit se me rastin e ka njohur menaxherja, duke ngritur dyshimet për edukatoren A. A, ka ushtruar dhunë ndaj fëmijës S. I.
Njoftimi çerdhes “Nina”:
“Menjëherë pas pranimit të këtij informacioni kam bërë shiqimin e video-kamerave të institucionit me ç’rast kam vërtetuar se edukatorja e kishte qëlluar fëmijën me S.I me një shuplakë në fytyrë”, thuhet në njoftimin e Shipoli Nikës .
Më pas ajo ka bërë të ditur se e ka ftuar edukatoren në fjalë për t’i kërkuar sqarim lidhur me sjelljen e saj të kundërligjshme, por siç ka thënë veprimi është bërë në afekt dhe pa dashje.
”Nisur nga fakti se sjelljet e tilla janë të papranueshme në institucionin tonë dhe njëherit janë sjellje kundërligjore, pa humbur kohë kam kontaktuar me prindin e fëmijës V.I, të cilin e kam njoftuar lidhur me rastin që ka ndodhur duke i ofruar dëshmitë e nevojshme në dispozicion”, është shprehur tutje pronarja e çerdhes.
Gjithashtu, ajo ka thënë se prindin e fëmijës e ka inkurajuar që rastin ta inicioj në Policinë dhe Prokurorinë e Kosovës deri në zbardhjen e plotë të tij.
