Dhe pse kanë kaluar pothuajse 2 javë nga tërmeti, grupet e kërkim-shpëtimit thonë se ka ende me qindra persona nën rrënoja.
Forcat operacionale të shpëtimit të NASA-s kanë përdorur teknologjinë e avancuar të quajtur “FINDER” për identifikimin dhe lëvizjet më të vogla të trupit që mund të shkaktohen nga funksionet bazë jetike në Turqi. Kjo teknologji përdor sensorët me mikrovalë për të diktuar rrahjet e zemrës apo lëvizjen e kraharorit gjatë frymëmarrjes tek këto njerëz të bllokuar nën rrënoja.
NASA bën me dije se kjo teknologji u dërgua në Turqi gjatë fundjavës së kaluar.
“Zemra dhe mendja e NASA është më personat e prekur nga tërmetet në Turqi dhe Siri. NASA është syri ynë në qiell, ndërkohë që ekipet tona dhe ekspertët po punojnë për të gjetur informacione të rëndësishme mbi personat e mbetur nën rrënoja.” u shpreh administratori i NASA, Bill Nelson.
“Trupi juaj lëviz një milimetër ku zemra rreh. Ne mund t’i zbulojmë këto lëvizje pasi vetë rrënojat nuk lëvizin. Më pas ne shikojmë për lëvizje që tregojnë rrahjet e zemrës dhe lëvizjen e kraharorit gjatë frymëmarrjes.”- tha Jim Lux, menaxheri në detyrë i zhvillimit të prototipit FINDER.
