Modelja dhe aktorja mjaft e njohur turke, Cansu Dere, pas tërmetit shkatërrues të 6 shkurtit shqetësoi fansat mbi fatin e saj. Një video që qarkullonte në TikTok u bë virale ku pretendohej se ishte zhdukur së bashku me nënën e saj.
Mirëpo, një gazetare pas shumë aludimeve ka konfirmuar se Dere është mirë me shëndet dhe siç shihet në foto i është bashkuar misionit në mbledhje të fondeve për t’ju ardhur në ndihmë personave fatmirësisht shpëtuan lëkundjeve të fuqishme.
Aktorja, 42- vjeçarja e njohur nga seriale si “Ezel”, “Anne”, “Sadakatsiz” etj, nuk dha asnjë shenjë jete që nga tërmeti vdekjeprurës, gjë që i bëri njerëzit të mendonin se diçka mund të kishte ndodhur.
Për më tepër, në media u aludua edhe se aktorja jetonte pranë epiqendrës së tërmetit.
Dere është një nga personazhet që do të bashkëpunojë me Disney Plus dhe Fox për të ndihmuar në zonat e prekura nga tërmeti.
