Stella Stevens, aktorja e mirënjohur e “The Nutty Professor”, është ndarë nga jeta në moshën 84- vjeçare pas një beteje me një sëmundje të rëndë.
Kineastja, e cila punoi së bashku me Elvis Presley dhe Jerry Lewis në kulmin e saj të karrierës, ndërroi jetë pas një beteje të gjatë me sëmundjen e alzheimerisë, lajmin e bëri të ditur vetë djali i saj aktor-producent Andrew Stevens për Deadline.
Stella ka punuar së bashku me Elvisin në ‘Girls! Girls! Girls!’ dhe luajti vajzën e ëndrrave të Jerry Leëis-it në ‘The Nutty Professor’ të vitit 1063, të risjellë më vonë me Eddie Murphy.
Aktorja ka luajtur në filma të famshëm në rolin e bashkëshortes së Ernest Borgnine në ‘The Poseidon Adventure’, e cila ishte ndër shfaqjet më të mëdha të filmit të viteve 1970.
E lindur më 1 tetor 1938, në Yazoo City, Mississippi, Stella pati gjithashtu një karrierë të gjatë televizive, duke u shfaqur në dhjetëra filma televizivë dhe në më shumë se 40 seriale.
Për dy sezone në fillim të viteve 1980, ajo luajti në televizionin kryesor ‘Flamingo Road’ dhe pati role në ‘Santa Barbara’ dhe ‘General Hospital’.
