Opozita dhe ditën e sotme pritet të zhvillojë protestë në orën 10:00 para parlamentit.
Mësohet se 1000 efektivë të uniformave blu janë në gadishmëri për të ruajtur rendin dhe sigurinë gjatë orëve të protestës.
Kordoni i policisë ka rrethuar godinën e Kuvendit dhe në të gjithë zonën përreth janë shtuar masat e sigurisë.
Raportohet se në vijën e parë do të qëndrojnë forcat e rendit dhe të njësisë “Shqiponja”, ndërsa ato të Ndërhyrjes së Shpejtë dhe RENEA do të pozicionohen në pjesët e anësore të parlamentit.
Forca të shumta të policisë si dhe efektivë të Gardës do të qëndrojnë edhe në pjesën anësore nga krahu i “Pedonales” nga pritet të bëhet edhe hyrja e deputetëve. Policia do marrë masa edhe për bllokimin e rrugëve, ku rreth orës 09:30 do të ketë kufizime të qarkullimit në rrugën “Xhorxh Bush” dhe pjesërisht në bulevardin “Zhan Dark” dhe kryqëzimi i rrugës së Elbasanit.
