Fatmir Mediu, është paraqitur në ambjentet e SPAK për njohjen e dy akuzave, atë për shpërdorim detyre dhe shpërdorim të detyrës në bashkëpunim me kuadrin komandues ushtarak.
Për më shumë se 60 minuta, Mediu ka folur në spak dhe sqaruar se nuk ka asnjë akt-akuzë që rëndon mbi të, pasi i është prezantuar e njëjta dosje e 2009, pa asnjë dokument shtesë.
“Dua t’ju bëj me dije që më është prezantuar i njëjti fashikull, e njëjta akuzë si në 2009, pa shtuar asnjë dokument dhe as provë shtesë, akuzë për shpërdorim detyre, kam kërkuar që të pyetem, nuk jam pyetur asnjëherë. Shpresoj që të merrem në pyetje. Motivi politik është në akuzë, nuk është urdhri i ministrit që ka provuar problemin, çdo letër që kam nxjerrë ka ardhur nga pjesa civile dhe ushtarake. Akuzën nuk e pranoj, jam i pafajshëm, demontimi është çështje sigurie kombëtare, kam si çdo qytetar, të pyetem për aktet e mia, nuk jam pyetur asnjëherë”, tha Mediu.
Sipas Mediut, ngjarja e tragjdisë së Gërdecit është përdorur politikisht.
