Përditësim/ Mbi 5 mijë të vdekur nga tërmeti në Turqi dhe Siri. 65 vende të botës dërgojnë ndihma
Fatkeqësisht bilanci i viktimave dhe të lënduarve sa vjen dhe rëndohet nga tërmeti shkatërrues në kufi Turqi-Siri. Shifrat e fundit raportojnë deri tani numrin e viktimave mbi 5000 persona dhe më shumë se 17.834 të tjerë janë plagosur. 65 vende të botës janë solidarizuar dhe kanë dërguar ndihma të menjëhershme, vazhdojnë ndihmat të dërgohen në çdo moment, me ekuipazhe të kërkim-shpëtimit, si dhe ushqime e rroba.
Tërmeti me magnitudë 7.8 goditi pak pas orës 4 të mëngjesit të së hënës me orën lokale, 23 kilometra (14.2
milje) në lindje të Nurdagi, provincën Gaziantep, në një thellësi prej 24.1 kilometrash (14.9 milje), bën me dije Shërbimi Gjeologjik i Shteteve të
Bashkuara (USGS). Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin.
Në Turqi, deri në këto momente raportohet për 2,921 të vdekur dhe 11,119 të plagosur, ndërkohë, në Siri, 1,136 njerëz persona kanë vdekur dhe 1,280 janë plagosur.
Vdekjet u raportuan në Aleppo, Latakia, Hama dhe Tartus. Rreth 11 minuta pas goditjes së tërmetit kryesor, pasgoditja më e fortë prej 6.7 ballë goditi rreth 32 kilometra (20 milje) në veriperëndim të epiqendrës së tërmetit kryesor. Një tjetër tronditje e fortë me magnitudë 5.6 ka ndodhur 19 minuta pas tërmetit kryesor, ndërsa rreth orës 13:25 dje Turqia u godit sërish nga një tërmet i fuqishëm me magnitudë 7.5.
Tërmeti goditi para agimit të së hënës, kur banorët me siguri ishin në gjumë dhe të papërgatitur për ndikimin.
Ekipet e kërkim-shpëtimit janë dërguar në jug të vendit, tha ministri i brendshëm i Turqisë, Suleyman Soylu.
AFAD, agjencia e fatkeqësive, tha se kishte kërkuar ndihmë ndërkombëtare përmes
Qendrës së Koordinimit të Reagimit Emergjent (ERÇ), programi humanitar i
Bashkimit Evropian.
Gati 1,000 vullnetarë kërkim-shpëtimi janë vendosur nga qyteti më i madh i Turqisë, Stambolli, sipas guvernatorit të tij Ali Yerlikaya. Nërkohë kërkimet-shpëtimet vijojnë dhe në Siri. Pjesa më e madhe e Sirisë veriperëndimore, e cila kufizohet me Turqinë, kontrollohet nga forcat anti-qeveritare në mes të një lufte të përgjakshme civile që filloi në 2011.
Editor's Pick
Nafta kalon mbi 105 dollarë pas Trump refuzoi ‘ofertën’ e Iranit
Çmimet e naftës u rritën ndjeshëm të hënën pasi kryeministri izraelit, Benjamin Netanyahu, paralajmëroi se konflikti me Iranin “nuk ka…
Dua Lipa në betejë ligjore me Samsung: Kërkon miliona euro dëmshpërblim
Dua Lipa ka ngritur një padi prej 15 milionë dollarësh kundër Samsung, duke…
Pse është i nevojshëm edukimi financiar në sistemin parauniversitar?
Në Shqipëri, diskutojmë shpesh për reformat në arsim, për kurrikula moderne dhe…
Top Writers
Oponion
Edukimi për Inteligjencën Emocionale dhe Aftësitë Sociale nga Ana Llazo
Edukimi tradicional shpesh fokusohet te rezultatet akademike dhe njohuritë teknike.…
