Ish-banori i ‘Big Brother Vip 2’, Ronaldo Sharka teksa i ftuar në emisionin “Se Luan Topi”, ka rrëfyer një histori shumë prekëse në jetën e tij.
Ndonëse para e të hynte në shown e BBV, cilësohej si gazetari guximtar dhe ngacmues ndaj të ftuarve të emisionet e tij, nga ana tjetër brenda shtëpisë kemi parë një tjetër Ronaldo, të qetë, social dhe krijonte situate të këndshme me banorët.
Gjatë rrëfimit përballë Erjona Rusit, ka habitur jo pak publikun me një rrëfim tornditës pas dramave që ka kaluar në fëmijëri, atë të bullizimit dhe vënia në lojë. Situatë e cila e ka çuar në një gjendje të rrënduar psikologjike.
Derisa një moment ka arritur në klasën e tetë ka tentuar t’i jap fund jetës, por fatmirësisht është arritur që të shpëtohet nga familja.
“Jam bullizuar që herët, jam tallur dhe kisha frikë të dilja në pushimin e gjatë se mos vihesha në lojë. E kam kaluar pubertetin vonë dhe vendoseshin disa epitete që as nuk dua t’i përmend. Unë kam tentuar dy herë t’i jap fund jetës. Dhe ja ku jam sot. Më ka ndihmuar vetëm Zoti, as mësuesit nuk i kam pasur pro, prindërve nuk iu vë faj se ata nuk e dinë si funksionon fëmijëria, janë rritur me halle”, u shpreh Ronaldo.
Ndër të tjera gjatë rrëfimit, moderatori dëshiron të japë edhe një mesazh për fëmijët e sotëm dhe prindërit.
