Sekretari amerikan i Shtetit Antony Blinken shtyu vizitën e planifikuar të premten në Kinë pasi një balonë spiunë kinezë u gjurmua duke fluturuar në hapësirën ajirore të Kanadasë dhe SHBA në atë që zyrtarët amerikanë e quajtën një “shkelje të qartë” të sovranitetit të SHBA.
“Pas konsultimeve me partnerët tanë ndërinstitucional, si dhe me Kongresin, ne kemi arritur në përfundimin se kushtet nuk janë të përshtatshme në këtë moment që Sekretari Blinken të udhëtojë në Kinë”, u tha gazetarëve një zyrtar i lartë i Departamentit të Shtetit.
“Ne kemi vërejtur deklaratën e keqardhjes së PRC (Republika Popullore e Kinës), por prania e këtij baloni në hapësirën tonë ajrore është një shkelje e qartë e sovranitetit tonë, si dhe e ligjit ndërkombëtar, dhe është e papranueshme që kjo të ketë ndodhur,” zyrtari. tha.
“Sekretari i përcolli drejtorit të Zyrës Qendrore të Punëve të Jashtme Wang Yi më herët këtë mëngjes, se udhëtimi do të duhej të shtyhej. Por sekretari tregoi se ai do të planifikonte të udhëtonte në Kinë në rastin e parë që kushtet do lejojnë.”
ABC në SHBA raportoi se Blinken nuk dontë të agravonte situata dhe nuk bëri deklaratë për anullimin e udhëtimit të tij duke qenë se nuk do donte që bisedimet bilaterale të kishin të bënin vetëm më këtë incidentë.
Zëdhënësi i Forcave Ajrore të Pentagonit, gjeneral brigade Patrick Ryder, u tha gazetarëve të enjten se qeveria po gjurmonte një balonë mbikqyrjeje në lartësi të madhe mbi Amerikën Veriore dhe tha se “po udhëtonte në një lartësi shumë mbi trafikun ajror komercial dhe nuk paraqet një rezik ushtarak apo fizik as kërcënim për njerëzit në terren”.
Udhëheqësit ushtarakë amerikanë menduan të rrëzonin balonën mbi Montana të mërkurën, por përfundimisht presidenti Joe Biden vendosi kundër tij për shkak të rrezikut të sigurisë nga mbeturinat, thanë zyrtarët amerikanë të enjten.
Senatori republikan Tom Cotton i kishte bërë thirrje Blinken që të anulonte udhëtimin e tij, ndërsa ish-presidenti republikan Donald Trump, një kandidat i shpallur presidencial për vitin 2024, postoi “GJUJENI BALONIN! në platformën e tij të rrjeteve sociale “Truth”.
Në një deklaratë të premten, ministria e jashtme e Kinës tha se balona ishte për qëllime civile meteorologjike dhe qëllime të tjera shkencore dhe se i vjen keq që anija ajrore kishte hyrë në hapësirën ajrore të SHBA.
