Pavarësisht moshës Kazoyoshi Miura, sulmuesi japonez vazhdon të jetë në formë mjaft të mirë.
Miura, në dekadën e tij të pestë si futbollist profesionist, i është bashkuar skuadrës portugeze të kategorisë së dytë Oliveirense si ‘huazim’ nga ekipi i J-League Yokohama FC.
Aventura e tij e re në Portugali përfaqëson vendin e gjashtë në të cilin ai ka luajtur, pas periudhave në Brazil, Japoni, Itali, Kroaci dhe Australi.
“Edhe pse ky është një vend i ri për mua, do të punoj shumë për t’u treguar të gjithëve llojin e lojës për të cilën jam i njohur,” u shpreh Miura, i cili do të festojë ditëlindjen e tij të 56-të më 26 shkurt.
Ai ka thënë më parë se planifikon të vazhdojë të luajë deri në moshën 60 vjeçare.
Miura e kaloi sezonin e kaluar te Suzuka Point Getters, duke shënuar dy gola në 18 paraqitje për skuadrën japoneze të nivelit të katërt që drejtohet nga vëllai i tij më i madh Yasutoshi.
Yokohama fitoi shumicën e aksioneve në klubin e tij të ri, Oliveirense, në nëntor.
