Lisa Loring, aktorja që luajti Wednesday Addams në përshtatjen e parë të ekranit të The Addams Family, ka vdekur në moshën 64-vjeçare nga një goditje në tru. Loring vdiq të shtunën mbrëma në spital e rrethuar nga familja.
Një shoqe e saj, Laurie Jacobson, dha lajmin e vdekje së saj në Facebook, duke shkruar se ajo “ishte në zemrat tona gjithmonë si Wednesday Addams”. Ajo gjithashtu shkroi se Loring kishte “pësuar një goditje masive të shkaktuar nga pirja e duhanit dhe presioni i lartë i gjakut” dhe kishte qenë në mbështetje të jetës për tre ditë përpara se familja e saj të vendoste ta hiqte atë në fundjavë.
Loring luajti Wednesday Addams nga viti 1964 deri në 1966. Performanca e saj si vajza ‘makabre’ e Addams, me veshjen e saj gotike dhe gërshetat klaike, ka qenë një jehonë për filmat kinematografikë dhe televizjonet duke ndikuar shumë në përshkrimet e personazheve të ndryshme.
Kërcimi i lezetshëm i Loring i quajtur “The Drew” fitoi vëmendje të përtërirë me serialin e ri të Netflix “Wednesday”, në të cilin Jenna Ortega bën interpretimin e saj të kërcimit të Wednesday . Personazhi i saj Wednesday Addams ishte i ëmbël, por i zymtë dhe kishte një prirje për të mbledhur kafshë shtëpiake rrëqethëse, duke përfshirë një merimangë të vejushë të zezë të quajtur Homer dhe një hardhucë të quajtur Lucifer, si dhe të luante me një kukull pa kokë.
