Aloe vera ose e quajtur ndryshe si ‘bima e mrekullisë’, është përdorur prej shekujsh në një pafundësi produktesh. Gjethja e saj përmban mjaftueshëm përbërës të dobishëm si mineralet, amino acidet dhe vitaminat në të cilat përfshihet kalciumi, magnezi, hekurin, kaliumin, bakrin etj.
Në përmbajtjen e saj ajo ka enzima të rëndësishme të cilat ndihmojnë në tretjen, ulcerën dhe në reduktimin e inflamacioneve të ndryshme kjo pasi aloe vera është një burim i pasur i vitaminave A, C, E, B1, B2, B3, B6, acidit folik dhe B12 ku kjo e fundit është e nevojshme për prodhimin e rruazave të kuqe.
Përdorimi i aloe verës kundër kolesterolit
Ka pasur mjaft studime mbi ndikimin e aloe verës ne uljen e kolesterolit. Disa prej këtyre studimeve kanë theksuar se konsumimi i rregullt i estrakteve të saj mund të ulë kolesterolin e dëmshëm me të paktën 12 përqind, gjithashtu ul nivelin e triglicerideve me nga 25 deri në 31 përqind. Nëse dëshironi që të përdorni xhelin e aloe verës për uljen e kolesterolit, fillimisht këshillohet konsulta me një mjek profesionist.
Mjaltë, limonatë dhe aloe vera
Receta për katër persona
– Dy lugë gjelle me xhel aloe vera
– Lëng i shtrydhur nga dy kokrra limoni, i hedhur në dy gota të ndryshme
– Dy lugë gjelle me mjaltë
– Tre gota me ujë
Përgatitja
Në njërën nga gotat e limonit të shtydhur vendosim xhelin e aloes dhe e lëmë aty për 15 minuta.
Njëkohësisht, lëngun e limonit dhe mjaltin i bashkojmë në një kanë me ujë. I përziejmë me kujdes për disa minuta derisa mjalti të shkrihet dhe të njëtrajtësohet me ujin. Nëse e preferoni pak më të ëmbël mund ti shtoni edhe pak mjalt.
Përmes një site kuzhine nxjerrim xhelin e aloes nga lëngu i limonit dhe me pas e hedhim në kanën e limonit me mjaltë dhe e përziejmë për dy ose tre minuta.
Pini një gotë në ditë per rreth 4-5 ditë.
