Frenk Lampard trajneri i Everton u shkarkua disa ditë më parë nga pankina e Everton për shkak të rezultateve të dobta të ekipit. Përmes një postimi në rrjetin social instagram, ai ka reaguar për herë të parë pas këtij vendimi. Ai ka shkruar se do të mbetet krenar për punën në Everton.
“Erdha te Everton në vitin e kaluar edhe pse dihej që ishte një situatë shumë e vështirë. Por, do të jem gjithmonë shumë krenar për punën dhe përfshirjen e të gjithëve atyre që kontribuan për ta mbajtur ekipin në Premier Ligë.
Dua të falenderoj të gjithë tifozët e Everton për mikpritjen ndaj meje, stafit dhe familjes sime. Është me të vërtetë një klub special, me zemër të madhe dhe histori të mrekullueshme.
Më vjen keq që nuk mundëm të arrinim më shumë së bashku. Dua t’i uroj çdo lojtari të Evertonit më të mirën në karrierë”, u shpreh Lampard.
