Shkëlzen Berisha sapo ka dalë nga ambjentet e SPAK, pas më shumë se një ore është marr në pyetje për ngjarjen e Gërdecit.
Ai ka shprehur habi prej faktit se përse është thirrur nga Prokuroria e Posatçme, ai deklaron se nuk ka lidhje me ngjarjen.
“Jam thirrur në cilësinë e një personi që ka dijeni për ngjarjen e Gërdecit. Unë s’kam lidhje me këtë ngjarje, kam përsëritur ato që thënë publikisht.
Më bën përshtypje fakti se ë njëjta prokurori 15 vite më parë ka thënë që nuk i sheh të nevojshme këto deklarime”, tha ndër të tjera Shkëlzen Berisha.
Lidhur me shkresën në ministrinë e drejtësisë, për të cilën dëshmoi në SPAK edhe ish ministri Aldo Bumçi, Shkëlzen Beriusha mohoi të ketë lidhje me të, edhe pse nuk mohoi takimet e zhvilluara në ministrinë e Drejtësisë.
“S’kam asnjë lidhje me shkresë, Prokuroria duhe të thotë pas 15 vitesh kush e ka bërë atë shkrim. Mendoj që padiskutim prokuroria duhet të thotë e kujt është kaligrafia, nëse nuk është falsifikim. Në orgjinal nuk ka asnjë shënim të tillë.
Që unë të futem në ministrin e drejtësisë për të takuar miqtë e mi, nuk do të thotë të marr vendime për VKM.” -u shpreh Shkëlzen Berisha.
Ndër të tjera ai tha se do të vijë në SPAK sa herë prokuroria e posçcme ta kërkojë, si një detyrim ligjor, ndërsa u shpreh se nuk ndihet aspak i rrezikuar.
