Një 53-vjeçar shqiptar është gjetur pa shenja jete në komunën San Dona, Venecia.
Gëzim Muho, mësohet se punonte si pjatalarës në një restorant në Caposille. Paraprakisht dyshohet se shkak i vjdekjes është bërë një aksident, ku Muho ka rrëshqitur dhe rënë në një kanal.
Viktima u gjet nga një kalimtar i rastit pasditen e së hënës, teksa po lëvizte me mjet.
Ende mbetet mister nëse vdekja ka ndodhur për shkak të një problemi shëndetësor apo nëse ka qenë e mëvonshme dhe e shkaktuar nga rrëshqitja.
Muho prej disa kohësh ndodhej në Itali dhe jetonte i vetëm jo shumë larg vendit ku ndodhi akisdenti. 53-vjeçari shqiptar përshkruhej si një person tepër sociale e pëlqehej shumë nga punëdhënësit dhe kolegët.
