Historike, PSG fitoi 0-7 përballë amatorëve të Pays de Cassel, në Kupën e Francës, me Kylian Mbappe që vijon të bëjë ende bujë.
Sulmuesi francez realizoi tre gola në pjesën e parë, fraksion ku e gjeti rrugën e rrjetës edhe Neymar. Në pjesën e dytë, Mbappe festoi edhe dy herë të tjera, teksa shënoi edhe spanjolli Carlos Soler.
Me pesë golat në ndeshjen e sotme, Mbappe u kthye në futbollistin e parë në historinë e PSG që shënon 5 herë në një ndeshje zyrtare.
