Një ngjarje e rënë është mbajtur e fshehtë nga policia e kryeqytetit, pasi pasditen e të shtunës së javës së kaluar, një 41- vjeçar është sulmuar nga dy persona të pa identifikuar me 27 goditje me thikë.
Eder Dorzi ka qenë brenda një lokali kur ka ndodhur ngjarja rreth orës 12:00 në zonën e Bllokut.
I riu ndodhet në spitalin e Traumës në gjendje kritike për jetën, sipas familjarëve rrezikon të paralizohet në krahë dhe në këmbë duke qenë se nuk i lëviz dot.
Familjarët kanë bërë kallëzim në komisariatin 2 të policisë, janë dhënë deklaratat në polici, por edhe pse ka tre ditë nga ngjarja policia e Tiranës nuk ka dhënë asnjë njoftim për ngjarjen, për rrethanat dhe shkaqet e saj.
Sipas të plagosurit dy persona i janë afruar në tavolinë si miq dhe më pas e kanë qëlluar me thikë.
Ende nuk dihen shkaqet e konfliktit, por 41-vjeçari deklaron se nuk ka konflikt me njeri.
