Fotografia e sikletshme e publikuar në një revistë franceze ku shihet presidenti i Francës, Emmanuel Macron, duke puthur dhe përqafuar ministren e Sportit gjatë ceremonisë së hapjes së Lojërave Olimpike të Parisit, ka tërhequr jo pak vëmendjen e njerëzve anembanë botës.
Puthja dhe përqafimi janë konsideruar nga njerëzit tepër pasionante sikur janë të dashur.
Në fotografi duket Macron-i 46 vjeç i cili kap krahun e ministres dhe afrohet ta puthë, ndërsa kjo e fundit vendos njërën dorë te krahu i presidentit e tjetrën rreth qafës së tij dhe e puth në faqe.
Shumë njerëz këtë puthje e kanë konsideruar të turpshme dhe të papërshtatshme.
Macron-i e emëroi në janar Oudéa-Castéra-n si ministre të Arsimit të Francës, por e hoqi nga posti më pak se një muaji më vonë pasi mori vesh se ajo i kishte arsimuar fëmijët në shkolla private luksoze dhe bëri komente përçmuese për shkollat publike.
