Edhe pse Kampionati Europian 2024 ka mbaruar, për gjobat e UEFA-s ndaj Shqipërisë nuk mund të thuhet e njëjta gjë.
Federata Shqiptare e Futbollit është gjobitur nga Komisioni i Disiplinës në UEFA me 30 mijë Euro për koret raciste të tifozëve shqiptare në takimet me Kroacinë dhe Spanjën.
Por jo vetëm kaq pasi organi më i lartë i futbollit europian ka vendosur ndalimin e spektatorëve shqiptarë për 1 ndeshje jashtë nëse sjelljet raciste dhe diskriminuese të tifozëve përsëriten gjatë dy viteve të ardhshme.
“Komisioni i Etikës dhe Disiplinës vendosi të gjobitë FSHF 30 mijë euro dhe të ndalojë Federatën nga shitja e biletave për ndeshjen e saj të radhës në kompeticionet e UEFA-s si udhëtuese, për sjellje raciste dhe diskriminuese të mbështetësve të saj. Dënimi në fjalë për shitjen e biletave do të jetë i pezulluar në një periudhë prove prej dy vitesh”.
