Një 28-vjeçar në Sarandë është plagosur nga helika e skafit me të cilin lundronte dhe kishte marrë me qira në Lukovë.
Ngjarja ka ndodhur ditën e djeshme rreth orës 14.23 në afërsi të Kepit të Qefalit.
I riu është dërguar me urgjencë në Portin e Sarandës dhe më pas me autoambulancë drejt Spitalit të Sarandës, ku ka marrë ndihmën e parë dhe ndodhet jashtë rrezikut për jetën.
Kujtojmë se pak ditë më parë një pushues mbeti i plagosur nga një skaf që po lundronte në Gjirin e Karaburunit.
Ndërkohë që në 2022, 7-vjeçarja Jolanda Avdiu humbi jetën pasi u godit nga helikat e skafit me të cilin lundronte polici Arjan Tase.
