Argjentina ka fituar “Copa America” pasi ka mposhtur me rezultatin 1 me 0 Kolumbinë. Gjithçka u vendos me golin e Lautaro Martinez në “extra-time”.
Leo Messi e nisi sfidën nga fillimi, por u detyrua të zëvendësohet në minutën e 66 për shkak të një dëmtimi. Moment që e tronditi “Pleshtin”, ndërsa u pa të shpërthejë në lot nga pankina.
Ndeshja ishte programuar të nisë në 02:00 pas mesnate, por mori jetë 1 orë e 20 minuta me vonesë. Kjo për shkak të trazirave me tifozët, që pa bileta kërkonin një vend në stadium.
Kujtojmë se Argjentina fitoi “Copa America” për herën e dytë radhazi. Kështu vazhdon dominimin në futboll, ndërsa fitoi dhe Kupën e Botës rreth 2 vite më parë.
