Më pak se një vit pas operacionit anti-drogë që solli 19 arreste me burg dhe 4 arreste shtëpie, mes tyre dhe 3 shqiptarë është marrë vendimi nga gjykata e Leçes. 13 persona u dënuan, një u shpall i pafajshëm. Dënimet shkojnë deri në 18 vjet burg
Ata u shpallën fajtor për trafikun e drogës kryesisht kokainë dhe heroinë. Droga, e cila vinte nga Holanda dhe Turqia kalonte përmes autobusëve dhe kamionëve për në qytetin Oria, për t’u transportuar më pas në të gjithë Pulian dhe në provincën e Reggio Calabria.
Kush janë shqiptarët e dënuar?
Gentian Ceku 44 vjeç është dënuar me 12 vite burg, Artur Licaj 55 vjeç, dënuar me 18 vite burg dhe Ergi Xhamia 26 vjeç, dënuar me 12 vite burg.
Hetimet
Hetimet nisën në vitin 2018. Rol qendror kishte një çift shqiptarësh, të cilët konsideroheshin si organizatorë të shitjes së drogës. Ata jetonin në Oria dhe kishin një rol strategjik: të dy konsideroheshin promotorë dhe organizatorë të shitjes në masë të madhe.
Si rezultat i operacionit, autoritetet italiane sekuestruan: 57.526 kilogramë kokainë; 200 gram heroinë; rreth 20 kilogramë lëndë prerëse; mbi 200 euro kesh, 2 pistoleta dhe një karikator, 2205 gëzhoja të kalibrave të ndryshëm.
