Pas ndeshjes së Shqipërisë ndaj Spanjës, në të cilën kuqezinjtë tanë u mposhtën 0-1, ka ardhur edhe reagimi i fortë i babait të qendërmbrojtësit Ardian Ismajli.
Futbollisti i Empolit, nuk gjeti asnjë hapësirë nga ana e tekniku Sylvinho, përgjatë tre ndeshjeve që Kombëtarja kuqezi zhvilloi në Gjermani.
Babai i Ardian Ismajlit ‘shpërthen’ keq në rrjetet sociale duke mallkuar ata që siç thotë ai e ‘tradhtuan birin e tij’ duke mos e aktivizuar asnjë sekondë gjatë Kampionatit Europian.
“Ardian, bëhu i qëndrueshëm dhe i fort për këtë padrejtësi, për këtë tradhti, të jeni krenar për çdo gjë që keni dhënë për Kombëtaren sepse e kemi detyrim!
Zoti i shkatërroftë të gjithë ata që ta vodhen ëndrrën qysh nga femijeria të cilen ma tregoje…
Zoti i shkatërroftë ata që të bënë pabesi, të bënë tradhëti, sepse shumë ke besuar dhe nuk keni faj se në ballet e tyre nuk shkruante i pabes…
Je i qet se ditë të bardha dhe karrierë të madhe jeni duke pritur, është shumë afer…”- shkruan ai.
