Policia gjermane ka bërë një paralajmërim për tifozët anglezë duke u kërkuar atyre që të pinë kanabis në vend të alkoolit për të parandaluar problemet e mundshme.
Autoritetet janë të shqetësuara se tifozët anglezë dhe serbë të dehur mund të krijojnë probleme rreth stadiumit Gelsenkirchen. Për këtë arsye policia e Gelsenkirchen mendon se konsumimi i kanabisit do t’i bëjë tifozët “më të qetë” dhe “të urtë
Ndërkohë që VELTINS Arena do t’u shërbejë birrë me pak alkool tifozëve anglezë për ndeshjen e tyre hapëse kundër Serbisë.
Një zëdhënës i policisë tha për The Sun:
“Nuk është problem që fansat të pinë kanabis në rrugë. Nëse shohim një grup duke pirë alkool dhe duken agresiv, dhe një grup tjetër duke pirë kanabis, ne do të përqendrohemi te grupi që pi alkool. Pirja mund ta bëjë dikë më agresiv, ndërsa kanabisi është ndryshe. Ne duam të parandalojmë dhunën dhe t’i mbajmë njerëzit të sigurt. Fokusi ynë do të jetë te fansat që po pinë dhe potencialisht po bëhen të dhunshëm.”
Në prill, Gjermania legalizoi kanabisin për përdorim personal, megjithatë, tifozëve u ndalohet të tymosin kanabis brenda stadiumit VELTINS me 62,000 vende, në zonat e tifozëve, baret ose sheshet e qytetit gjatë Europianit këtë verë.
