Presidenti francez Emmanuel Macron ka shpërndarë Asamblenë Kombëtare dhe ka shpallur zgjedhje të parakohshme, pas rezultatit katastrofik të forcës së tij në zgjedhjet europarlamentare të fituara nga Fronti Nacional i drejtuar nga Marine Le Pen.
Në adresimin e tij nga popullit francez, Macron u shpreh se rritja e nacionalizmit është një rrezik për Francën dhe Europën. Ndërkohë ai ka dhënë dy data për zgjedhjet parlamentare, të cilat do të mbahen ose me 30 qershor ose më 7 korrik.
Sakaq, Macron nuk dha dorëheqjen por shpalli zgjedhje të parakohshme pasi sipas tij e djathta ekstreme ka 40% të votave, një situatë që sipas tij nuk mund të dorëhiqet..
Fronti Nacional i Marine Le Pen projektohet bindshëm fituese për vendet në parlamentin Europian, me 34% të votave duke lënë pas forcën makroniste me 14%.
Forcat e djathta kanë pasur një avantazh të dukshëm në këto zgjedhje, e deri më tani Partia Popullore Europiane projektohet fituese me 181 vende të fituara në Parlamentin Europian duke lënë pas social demokratët.
Përveç Francës, e djathta ekstreme ka fituar edhe në Austri, ndërsa në Gjermani fituese projektohet CDU, e ndjekur nga ekstremi i djathtë AfD.
